DIÇKA PËR DIÇKA

VOTONI SONDAZHIN

A DO TA FITOJË EDI RAMA MANDATIN E TRETË QEVERISËS?

Loading ... Loading ...

HERMES, agjensi udhëtimi

Nga  Fadil SahitiQuid pro quo… Kjo frazë latine mund të interpretohet në mënyra të ndryshme, varësisht se në çfarë konteksti përdoret. Në latinisht, në një përkthim fjalë për fjalë do të thotë ‘diçka për diçka’. Pra, diçka që i jepet një personi në këmbim të asaj që ai apo ajo ka bërë. Kur në realitetin shqiptar ndodh diçka që e ka në thelb këtë atribut – siç është rasti i fundit i emërimit për konsull të djalit të një deputeti të Kuvendit të Kosovës – krijohet një zhurmë e furishme (por që shpejt harrohet) në media e në rrjete sociale. Në rastet e tilla, zhurmaxhinjtë më të mëdhenj janë politikanët, këshilltarët politikë, por edhe “akademikët” e “intelektualët” në shërbim të pushtetit. Sepse, duan ta kapitalizojnë këtë ngjarje në dobi të një subjekti politik.

Por, rasti i këtij “konsulli” nuk është emërimi më i keqi, më skandalozi e më i dëmshmi që ka ndodhur në Kosovë. Vendime më të rënda ndodhin çdo ditë. Mjafton të përmenden emërimet si… p.sh. ato të kryetarëve të Akademisë së Shkencave, si institucioni më i madh moral e intelektual i një shoqërie, pastaj emërimet e rektorëve, të dekanëve, të bordeve drejtuese të institucioneve arsimore… Sigurisht, edhe vendimet në fushën e diplomacisë apo të ekonomisë kanë ndikim në ndërtimin e një shoqërie prosperuese dhe demokratike. Por, përparimi është larg kur veprohet sipas logjikës ‘diçka për diçka’?

Ndaj, në këtë aspekt më duken qesharake reagimet e liderëve të të gjitha partive politike. O tempora, o mores, do thoshin… latinët. Sepse, kultura e klientelizmit në Kosovë nuk është ex nihilo; nuk ka zbritur nga qielli.

Jo rrallë ndodhë që kur kërkojmë ndonjë ilaç në një farmaci, na ofrojnë diçka tjetër; apo në vend të quid-it marrim një quo. Kur ndodh kështu, problemet mund të jenë të rënda, sepse ilaçi mund ta bëjë të kundërtën e shërimit. E njëjta vlen edhe për popullin.

Por… interesante është se historia na mëson se rezultati i të bërit politikë sipas rezonit ‘quid pro quo’, është i dëmshëm edhe për vet mbështetësit e kësaj mënyre të veprimit. Dëshmi për këtë është edhe presidenti në ikje i ShBA-së. I keni parasysh favorizimet e familjarëve të tij që iu kthyen si bumerang? Në anglisht është një fjalë që thotë: “What goes around comes around”, e që në një përshtatje në shqip do të ishte si “atë çfarë mbjell do ta korrësh”.

Jemi dëshmitarë të faktit se ata që e kanë mbjellë këtë politikë tash e 20 vjet, janë duke i korrur rezultatet e punës së tyre. Nuk jam shumë fetar, por besoj në thënien se dënimi i Zotit mund të vonojë, por një ditë do të vijë.

Be the first to comment

Lini një Përgjigje