Policia greke arrestonë 5 shqiptarë

Policia greke shkatërroi një organizatë të tregtimit të kanabisit në ishullin e famshëm grek Mykonos.

Sipas autoriteteve greke, në pranga kanë rëne 5 shtetas shqiptarë të moshave 25-45 vjeç, emrat e të cilëve për momentin nuk bëhen publik.

Policia thotë se kishte informacion për aktivitetin e organizatës dhe mbasi i ndoqi për disa ditë, mundi t’i vërë në pranga.

Në cilësinë e provës materiale, u sekuestruan 7.2 kg kanabis, 3 peshore elektronike, 3,500 euro të gatshme, një pistoletë TT e prodhimit kinez, si dhe sasia prej 75 gramë kanabis i përpunuar.

Mësohet se anëtarët e organizatës e fshihnin lëndën narkotike në disa vrima të improvizuara jashtë banesave të tyre. Madje për gjetjen e drogës, u përdor qeni i drejtorisë së anti drogës së rojës bregdetare të ishullit.

Prej hetimeve rezultoi se të 5 shtetasit shqiptarë të arrestuar, jetonin në Greqi pa leje qëndrimi.

Agjentët thonë se organizata ka tregtuar gjatë vitit të fundit sasi të mëdha droge ne piacën e narkotikëve të Mykonos, atraksionit turistik më të rëndësishëm në Detin Egje.

Pesë të arrestuarit do të dërgohen në gjykatë për mase sigurie, të enjten në mesditë.

Be the first to comment

Lini një Përgjigje