Pasqyra e shtëpisë, ja si ta rregulloni korridorin

Qëndrimi i pakujdesshëm ndaj korridorit është pasqyra e zotit të shtëpisë dhe ajo duhet ndryshuar, së paku me imtësi, këshillojnë ekspertët e enterierit

Ndriçimi i rregulluar mirë është njëri ndër propozimet. Llambat e montuara, apo të llamba të vogla tavani të vendosura në linja, janë zgjidhja më e mirë për korridore të ngushta, por edhe nuk zënë shumë sipërfaqe.

Nëse hapësira është e vogël, zgjidhni llamba led në nuancë të dritës së bardhë ditore dhe të dritës së ngrohtë të bardhë.

Nëse keni korridor më të madh, atëherë zgjidhni llambadarin e përshtatshëm i cili do të lërë mbresë të parezistueshme vizuale, transmeton Telegrafi.

Nëse në korridor keni dritare (gjë që është rast i rrallë), vendosni perde të lehta, për të arritur efektin e stilit bashkëkohor, ndërkaq do të shmangni ndjenjën e mbingarkimit.

Te zgjedhja e ngjyrave kini parasysh që nuancat e shndritshme zgjerojnë vizualisht korridoret e vogla.

Dëshironi që ta ngjyrosni korridorin? Përdorni fantazinë. Një pjesë mund ta ngjyrosni në nuancë të shndritshme, ndërkaq pjesën tjetër në nuancë më të errët.

Kontrasti gjithmonë duket interesant dhe në atë mënyrë korridori do të duket më luksoz. Mund të zgjidhni edhe ngjyra të zjarrta, sepse ato duken optimiste dhe gazmore. Nëse vendosni për diç të tillë, patjetër duhet t’i kushtoni kujdes harmonizimit të ngjyrave me mobiliet.

Muret e korridorit mund t’i bëni më të bukura me ndihmën e tapetave, aq më parë nëse kanë ndonjë print interesant. Ato mund të jenë bazë për dekorim të mëtejshëm, por që duhet të zgjidhni ato të cilat janë më praktike për mirëmbajtje.

Mobiliet në korridor, po ashtu, duhet të jenë praktike, por edhe të bukura. Varësja efektive i jep hapësirës dinamikë.

Nuk do të gaboni as nëse vendosni për varëse muri. Ato janë zgjidhja e duhur për korridore të ngushta. Vetëm se nuk duhet të ketë shumë, sepse atëherë korridori mund të duket i parregulluar dhe kaotik. 

Be the first to comment

Lini një Përgjigje