Ja shqiptarët që furnizonin mafien siciliane me drogë

Një organizatë e mirfilltë mafioze me qendër në Catania dhe e afërt me Cosa Nostra është goditur mëngjesin e sotëm nga Guardia di Finanza në Itali duke vënë në pranga 25 persona. Ata trafikonin kokainë, marijuanë dhe hashash, por edhe armë. Aksioni i organizuar mëngjesin e së hënës erdhi pas një hetimi të gjatë më shumë se 2 vjeçar.

Kjo organizatë e quajtur “Santapaola-Ercolano” konsiderohej nga më të rrezikshmet në të gjithë Italinë e Jugut. Ajo kishte kontakte të shumta edhe jashtë vendit ndërsa ishte në gjendje të përdorte edhe forcën për të mbrojtur biznesin e paligjshëm.

Mes të arrestuarve bien në sy edhe emrat e 2 shqiptarëve. Ata janë 36-vjeçari Klodian Shkrela dhe Rudolf Sotiri, alias Elton Agalliu 45 vjeç. Gjykata ka caktuar masën e arrestit me burg për 21 prej të arrestuarve, ndërsa 4 të tjerë janë lënë në arrest shtëpie.

Në qeli do të qëndrojnë edhe 2 shqiptarët. Gjatë operacionit, policia gjeti një arsenal të vërtetë armësh, por edhe sasi të konsiderueshme droge. Roli i shqiptarëve në këtë rrjet të trafikut ishte furnizimi i organizatës me drogë.

Rudolf Sotiri
Klodian Shkrela

Shqiptarët e kishin bazën e tyre në zonën e Lazio dhe sipas prokurorëve italianë kishin trafikuar sasi të konsiderueshme të marijuanës dhe hashashit. Janë 2 raste kur është goditur rrjeti i furnizimit të shqiptarëve. I pari në shtator 2018 ku u arrestua një korrier me 25 kg kanabis dhe tjetri në fund të nëntorit 2018, duke arrestuar 2 korrierë në Catania me 42 kg marijuanë.

Be the first to comment

Lini një Përgjigje