Arrestohen tre të ‘fortët’ e Shijakut, ora luksi, femra dhe atentate

U arrestuan sot gjatë finalizimit të një operacioni për llogari të shtetit italian, ndërkohë që aktivitetin e tyre e kanë shtrirë në Shqipëri. Bëhet fjalë për tri të arrestuarit sot në Shijak. Luan Bodlli, 41 vjeç, Florenc Mema, 30 vjeç dhe Demokrat Çizmja, janë tri të rinjtë e kërkuar për trafik droge.

Por kush janë tri të arrestuarit?

Luan Bodlli, mëson Dosja.al, është cilësuar prej kohësh prej policisë në Durrës si një person tejet problematik, dhe me një rrezikshmëri të lartë. Ai dyshohet se ka marrë pjesë në mënyrë aktive në tregun e drogës në Itali, por edhe atë të trafikimit të qenieve njerëzore.

Ai ka qenë një shoferi i ish-kryetarit të Komunës Xhafzotaj, Agim Hoxha, i cili njihet ndryshe edhe si daja i Dashamir Gjokës, të cilit iu bë një atentat më 24 gusht 2017, ku ndaj makinës së tij të blinduar, u qëlluan plot 25 plumba. Në makinë me Gjokën ishin dhe 3 vajzat e tij të mitura, ndërkohë që Bodlli, njihet si një nga ‘ushtarët’ e tij.

Florenc Mema, babalja i miqve, me orë Breitling

I riu Florenc Mema, duhet të përballet tashmë me drejtësinë italiane e cila e akuzon për trafik droge, si dhe kërkon ekstradimin e tij në Itali. Bashkë me marokenë, shqiptarë dhe italianë, Mema bashkë me Bodllin dhe Çizmen, akuzon se bëjnë pjesë në një bandë që trafikon droge në Bergamo.

Nga vëzhgimi i rrjeteve sociale të të arrestuarit vihet re, pasioni për udhëtimet, qentë, orët e luksit, ku vetëm një prej tij e postuar në Facebook, kap vlerën e mbi 2 mijë euro, e markës “Breitling”.

I njohur nga miqtë e tij si “Babalja”, Florenc Mema, udhëton nga Çekia për në Itali, e më pas në Shqipëri sërish.

Nga të tri, i vetmi i cili është kujdesur të mos lejë gjurmë në Shqipëri është 27-vjeçari, Demokrat Çizmja, që deri më tani, nuk është skeduar nga policia për asnjë ngjarje.

NJOFTIMI I PLOTË:

Durrës

Finalizohet operacioni policor ndërkombëtar “ROMANO 2017″.

Operacioni nga Drejtoria Vendore e Policisë Durrës, në bashkëpunim me Departamentin e Policisë Kriminale dhe FNSH-në, në koordimin mes Interpol Tirana dhe Interforcës italiane në Shqipëri.

Lokalizohen, kapen dhe arrestohen me qëllim ekstradimi tre shtetas të kërkuar nga drejtësia italiane, për veprën penale “Trafikim i lëndëve narkotike”.

Operacioni u zhvillua në të njëjtën kohë në Durrës dhe në Itali.

Gjatë operacionit janë ekzekutuar 18 masa sigurie dhe për njërin është bërë shpallja në kërkim ndërkombëtar.

Në vijim të operacioneve të përbashkëta që Policia e Shtetit zhvillon me homologët për goditjen e veprimtarisë kriminale, si dhe kapjen e personave të shpallur në kërkim ndërkombëtar, nga ana e Seksionit per Hetimin e Trafiqeve të Paligjshme dhe Narkotikëve në Drejtorinë Vendore të Policisë Durrës, në bashkëpunim me Drejtorinë Hetimore Qendrore në Departamentin e Policisë Kriminale, FNSH-në dhe Komisariatin e Policisë Durrës, në koordimin mes Interpol Tirana dhe Interfocës italiane në Shqipëri, u finalizua me sukses Plan – Operacioni “ROMANO 2017”, si rezultat i të cilit u bë i mundur lokalizimi dhe arrestimi i përkohshëm me qëllim ekstradimi i shtetasve të shpallur në kërkim ndërkombëtar:

* F. M., 30 vjeç, banues në Xhafzotaj Durrës.
• D. Ç., 27 vjeç, banues në Gjepalaj Durrës.
• L. B. 41 vjeç, banues në Xhafzotaj Durrës.

Zyra Qendrore Kombëtare Interpol Tirana është njoftuar nga Interpol Roma se këta shtetas janë shpallur në kërkim ndërkombëtar, pasi Komanda Provinciale Karabineri e Bergamos, Itali ka programuar ekzekutimin e masës së sigurisë “Arrest në burg”, dhënë nga Gjykata e Bergamos, Itali, për veprat penale “Trafikim i lëndëve narotike”, për 16 shtetas shqiptarë, italianë dhe marokenë.

Operacioni është zhvilluar në të njëtën kohë edhe në Itali, ku si rezultat në Itali janë kapur dhe arrestuar 12 shtetas shqiptarë, italinë e marokenë, si dhe janë ekzekutuar edhe tri masa sigurie, dy prej të cilave “Detyrim paraqitjeje” dhe një “Arrest në shtëpi”.

Ndërsa një shtetas është shpallur në kërkim ndërkombëtar, pasi nuk u gjet në banesë gjatë kontrollit të ushtruar nga FNSH-ja në Durrës.

Hetimi për këtë grup kriminal ka nisur në vitin 2017, pasi dyshohet se ky grup kryente trafikim të lëndëve narkotike nga vende të ndryshme drejt Italisë.

Edhe gjatë këtij operacioni Policia e Shtetit tregoi edhe njëherë profesionalizmin dhe vendosmërinë e saj për të bashkëpunuar me partnerët në luftën e përbashkët kundër krimit të organizuar.

Be the first to comment

Lini një Përgjigje