Shefqet Kastrati 1.5 milion euro për të prekurit nga tërmeti

Presidenti i kompanisë Kastrati, Shefqet Kastrati dhe familja e tij kanë vendosur që të dhurojnë 1.5 milion euro pët të dëmtuarit nga tërmeti i rënë dy ditë më parë në Shqipëri.

Ai shkruan gjithashtu se ka urdhëruar që asnjë personi që kalon kufirin nga Kosova dhe sjell ndihma në Shqipëri të mos i merren paratë e tarifës së kalimit të rrugës.

Reagimi

Tragjedia Shqiptare më ka tronditur thellësisht mua dhe familjen time, bashke me vëllezërit e mi.

Jemi munduar të ndihmojmë e të lehtësojmë sa mundemi këto ditë. Si gjithnjë – pa zhurmë.

E kam dhënë në çast urdhërin e mosmarrjes së asnjë kokërr leku nga askush që ka kaluar nëpër Rrugën e Kombit për ndihmë.

Pa bërë asnjë publicitet, sepse gjithmonë kam ecur me parimin: “Kur ndihmon një rob të Zotit në nevojë, duhet ta shohë veç ai lart!”.

Unë dhe familja ime kemi ndarë 1.5 milionë euro që kjo dhimbje e madhe që të lehtësohet sado pak.

Vendosëm ta bëjmë publik kontributin tonë për familjet e tërmetit vetëm që t’i bëjmë thirrje atyre që kanë më shumë se të tjerët: Kjo s’është dita të kurseje asgjë shqiptari që ka shumë për shqiptarin që ka humbur gjithçka!

Ngushëllime familjarëve që humbën njerëz në këtë katastrofë dhe Zoti i Madh qoftë me Shqipërinë e plagosur!

Be the first to comment

Lini një Përgjigje