Selahi: Refuzova Belgjikën, zemra ime rreh për Shqipërinë!

Lindon Selahi ka zbuluar prapaskenat e ftesës nga Belgjika.

I pranishëm në konferencën për shtyp të kësaj të hëne sëbashku me Cikalleshin, 20-vjeçari theksoi se zemra e tij rreh vetëm për Kombëtaren kuqezi.

Mesfushori i cili aktivizohet tek Twente ishte risia e listës së Edi Rejës për 2 ndeshjet e muajit tetor ndaj Turqisë dhe Moldavisë.

“Mendoj se e kam merituar këtë ftesë. Që i vogël ka qenë dëshira ime që të luaj në Kombëtare. Jam ende shumë i ri por shpresoj që të luaj, trajneri vendos në fund dhe mendoj se jam gati. I njoh disa futbollistë pasi Seferin e kam njohur, ashtu edhe Ramadanin. Kur kam qenë i ri kam luajtur me Belgjikën sepse nuk më ka ftuar Shqipëria, por tani që më thirri Shqipëria e vendosa. Edhe tani më ka kërkuar Belgjika, por kur e ndjen veten shqiptar, shkon 100% te Shqipëria”.

Më pas Selahi u ndal te dy ndeshjet e radhës, ndërsa shpjegoi edhe pozicionin e tij në fushë me shpresën se trajneri Reja do t’ia japë mundësinë për të debutuar me kuqezinjtë.

Ka pasur moment që nuk kanë qenë mirë por tani jemi mirë. Mendoj se kemi shans për të kaluar dhe në Turqi e Moldavi shkojmë për të fituar dhe për të luajtur mirë. Mund të luaj kudo në mesfushë por mund të luaj më mirë si numër 8. Nuk e kam problem edhe si “6” apo “10”. Për momentin jam në sezonin parë te Tëente por jam mirë. Nuk po shoh lart por jam mirë. Ëndrra ime është të luaj sa më shumë minuta dhe të luaj me kombëtaren. Ëndrra është të kualifikohemi dhe të fitojmë sa më shumë ndeshje në Europian”.

Be the first to comment

Lini një Përgjigje