Gjendja e të plagosurve në spital, flet drejtoresha

Një ngjarje e rëndë ka tronditur sonte qytetin e Fierit. 

Një person i armatosur ka hyrë në ambientet e Spitalit Rajonal Fier dhe ka qëlluar në drejtim të personave të tjerë, duke plagosur 3 prej tyre.

Mësohet se atentatori dhe të plagosurit kishin pasur më herët një sherr. Menjëherë pas ngjarjes, policia dhe FNSH kanë mbërritur në spital. 

Në ambientet spiatlore ka mbërritur edhe drejtori i Policisë së Fierit Andon Marko.

Në deklaratën e tij për mediat, Marko tha se policia ka arrestuar 2 persona, kurse një i tretë është shpallur në kërkim. 

Ai shtoi se po bëhet kontroll në banesën e personit që është shpallur në kërkim policor.

Drejtoresha e spitalit Nevila Shuke u shpreh se 3 të plagosurit janë jashtë rrezikut për jetën. 

Ajo shtoi se të plagosurit po marrin ndihmën mjekësore të nevojshme.

Be the first to comment

Lini një Përgjigje